අන්තිම මැච් එකේ හරියට ගැහුවේ නැති නිසා මහේල රෝහිත්ට දුන් අමතක නොවන දඩුවමට ලොවම හිනා වෙයි

IPL තරඟාවලියේ මුම්බායි ඉන්දියන්ස් කණ්ඩායමේ පුහුණුකරුවා ලෙස ක්‍රියා කරන්නේ ශ්‍රී ලංකා හිටපු නායක මහේල ජයවර්ධන. ඔහු විසින් මුම්බායි කණ්ඩායමේ ක්‍රීඩකයින් සිදු කරන වැරදි සඳහා අපුරු දඬුවමක් හදුන්වා දී තිබෙනවා.

මේ අනුව බස් රථයට පැමිණීමට ප්‍රමාද වන වැනි කණ්ඩායමේ තුල සිදු කරන අතපසුවීම් සහ වැරදි සඳහා මහේල මේ දඬුවම නිර්මාණය කර තිබෙනවා.

මේ දඬුවම විදීමට සිදුවන ක්‍රීඩකයාට විශේෂිත ඇඳුමක් නිර්මාණය කර ඇති අතර කණ්ඩායම සමග සංචාරය කරන සෑම අවස්ථාවකදීම ඔහු එම ඇඳුම ඇදගෙන යා යුතු වනවා.

එම දඩුවමේ අලුත්ම හිමිකාරයා වී ඇත්තේ මුම්බායි කණ්ඩායමේ නායක රෝහිත් ශර්මාය.අවසාන තරග දෙකේදී ලකුණු අතරට නොපැමිණීම මෙයට හේතුව විය හැකි බවට බොහෝ දෙනා මත පල කර තිබෙනවා.

ශ්‍රී ලංකා ක්‍රිකට් ක්‍රීඩකයන්ගේ පඩි වැඩිවෙයි. එක ටෙස්ට් තරඟයකට රුපියල් ලක්ෂ 11 ක් මෙන්න අපේ ක්‍රීඩකයන්ගේ අලුත්ම පඩි හැදෙන හැටි

ශ්‍රී ලංකා ක්‍රිකට් ක්‍රීඩකයන්ට මේ දවස්වල හොඳ කල දසාවක් ලබලා තියෙනවා. ඒ ක්‍රිකට් ආයතනය ඔවුන්ගේ පඩි වැඩි කිරීම නිසා. ජාතික කණ්ඩායමේ ක්‍රීඩකයින්ට අලුත් කොන්ත්‍රාත්තුවක් ලබා දීලා තියෙනවා. ටෙස්ට් ක්‍රීඩා කරන ක්‍රීඩකයින්ට නම් වැඩි වාසියක් ලැබිලා තියෙනවා.

ටෙස්ට්, එක්දින වගේම T20 තරඟ ගාස්තුත් වැඩි කරලා තියෙනවා. සමහර ගාස්තු වැඩි කරද්දී මිට කලින් තිබ්බ ක්‍රමයට වැඩ වෙනස් ක්‍රමයක් තමයි භාවිතා කරලා තියෙන්නේ.

මිට අවුරුද්දකට කලින් ටෙස්ට් තරඟයක් සඳහා ක්‍රීඩකයෙක්ට ඇමෙරිකාන් ඩොලර් 7500 ක් ලබා දුන්නා. හැබැයි ගිය අවුරුද්දේ ඒ ගාස්තුව ඇමෙරිකන් ඩොලර් 5000 දක්වා අඩු කරා. හැබැයි මේ අවුරුද්දේ යයේත් ඒ මුදල ඩොලර් 7000 දක්වා වැඩි කරලා තියෙනවා. ඒ කියන්නේ රුපියල් ලක්ෂ 11 කට වැඩි මුදලක්.

ඒ වගේම ක්‍රීඩකයින් ලබා ගන්නා ශතක, අර්ධ ශතක සහ කඩුලු අනුවත් දීමනා ගෙවීමේ ක්‍රමයක් හදුන්වලා දීලා තියෙනවා.

මාලිංග නැති අඩුව හොදින් දැනුනා රෝහිත් ලොවටම ඇහෙන්න මාලිංග ගැන කියපු කතාව මෙන්න ලංකාවට නැතත් ඉන්දියාවට මාලි ඕනේ

2018 IPL තරඟාවලියේ මුම්බායි ඉන්දියන්ස් කණ්ඩායම මුහුණ දුන් තීරණාත්මකම තරඟය ජය ගන්නට සමත් වීමත් සමඟ මුම්බායි කණ්ඩායම පළමු කණ්ඩායම් හතර අතරට පැමිණෙන්නට සමත් වූ අතර මුම්බායි කණ්ඩායමට තමන් පැමිණි ස්ථානය රැක ගන්නට දැන් අවශ්‍ය වන්නේ ඉදිරියේ දිල්ලි දෙයාර්දිවල්ස් කණ්ඩායම සමඟ තිබෙන තරඟය ජය ගැනීමය.

තරගයෙන් අනතුරුව මාධ්‍යට අදහස් දක්වමින් මුම්බායි ඉන්දියන්ස් කණ්ඩායමේ නායක රෝහිත් ශර්මා පැවසුවේ පන්දු යැවීමේදී මේ වසරේදී මාලිංග කණ්ඩායමට ඇතුලත් කර නොගැනීම මේම තරගාවලිය පුරාවටම දැනුන බවය.

නමුත් අවසන් වූ තරගයේදී බුම්රාගේ දක්ෂතාවය එම අඩුව මැකීමට සමත් වූ බව ඔහු වැඩි දුරටත් පවසා සිටියා.තරඟයේ වීරයා බවට පත්වූ බුම්රා පන්දුවාර 4 තුල ලකුණු 15ක් පමණක් ලබා දෙමින් කදුලු 3ක් දවා ගත් අතර මැක්ලරගන් කඩුලු දෙකක් දවා ගන්නට සමත් විය.අවසාන පන්දුවාර දෙක තුල ජයග්‍රහණයට ලකුණු 23ක ඉලක්කයක් පන්ජාබ් කණ්ඩායමට එල්ල වූ අතර බුම්රා තම පන්දු වාරය ලකුණු 6 කට ක්‍රියාත්මක කිරීමෙන් පසු අවසාන පන්දුවාරය තුල ලැබුන ලකුණු 17 ක ඉලක්කය පන්ජාබ් කණ්ඩායමට හඹා යාමට නොහැකි වූ අතර ඔවුන් ලබා ගත්තේ පන්දුවාර 20 තුල 183/5 පමණය.

අද IPL හොල්ලන සුපිරි ක්‍රීඩකයා ක්‍රිස් ගේල් එදා මන්දපෝෂණය නිසා පාන් කැල්ලකට ක්‍රිකට් ගහපු හැටි ඔබ නොදත් ඔහුගේ ජිවිත කතාව මෙන්න

අද IPL හොල්ලන සුපිරි ක්‍රීඩකයා ක්‍රිස් ගේල් එදා මන්දපෝෂණය නිසා පාන් කැල්ලකට ක්‍රිකට් ගහපු හැටි ඔබ නොදත් ඔහුගේ ජිවිත කතාව මෙන්න

ජිවිතේ වෙනස්වෙන්න ගතවන්නේ පොඩි වෙලාවක් පමණයි මේකත් අන්න ඒ වගේම කතාවක් එදා ඒ හිටපු ක්‍රීඩකයා අද ඉන්න තැනත් එක්ක බැලුවම ඔහුට මොන තරම් සතුටක් ඇතිද මේ ඔහුගේ ජීවිතය ලියවුනු හටි

ආයේ දෙකක් නැ.මහේල තමයි ලෝකයේ හොදම පුහුණුකරු ඉන්දියාවේ ලොකුම සල්ලිකාරයා ගේ බිරිඳ ලොවට කියපු හැටි මෙන්න

මුම්බායි ඉන්දියන්ස් කණ්ඩායම 2018 IPL තරඟාවලියේ නින්දෙන් නැගිටලා වගේ ගතියක් අපිට පහුගිය තරඟවල දකින්න ලැබුන,මේ පිබිදීම එක්ක මුම්බායි කණ්ඩායම දැන් සුපිරි කණ්ඩායම් හතර අතරටත් එකතු වෙලා ඉන්නේ.මේ විදියට 2017 ශුරතාවය දිනපු මුම්බායි කණ්ඩායම 2018 තරඟාවලියේ පලවෙනි කණ්ඩායම් හතර අතරට ආපු පලවෙනි අවස්තාව තමයි කල්කටා ජයග්‍රහණයෙන් පස්සේ මුම්බායි කණ්ඩායම උදා කර ගත්තේ.

මුම්බායි ලබපු මේ ජයග්‍රහනය ගැන ලංකාවේ ක්‍රිකට් ලෝලීනුත් සතුටෙන් ඉන්නේ ,ඒකට හේතුව තමයි මේ පාර ශ්‍රී ලංකාව නියෝජනය කරන එකම ක්‍රීඩකයා මුම්බායි කණ්ඩායම නියෝජනය කිරීමත් මුම්බායි කණ්ඩායමේ ප්‍රධාන පුහුණුකරු විදියට මහේල ජයවර්දන කටයුතු කරන එකත් මුම්බායි පන්දු යැවීමේ උපදේශක විදියට මාලිංග වැඩ කිරීමත් නිසා.

ඊයේ තරගයත් සමග වඩාත් සාර්ථකම කණ්ඩායම බවට මුම්බායි ඉන්දීය කණ්ඩායම ඕනෙම අයෙකු පිළිගන්නා කාරණයකි.තරගයෙන් පසුව නොයෙකුත් දෙනා අදහස් පල කර ඇති අතර තරගයෙන් පසුව පිටියට පැමිණි මුම්බායි කණ්ඩායමේ හිමිකරු වන නීටා අම්බානි රෝහිත් ශර්මා වගේම කණ්ඩායමේ බොහෝ දෙනා සමග අදහස් හුවමාරු කර ගැනීමද සිදු විය.රෝහිත් ශර්මා ලොව හොදම සහ නිරහන්කාරම නායකයා ලෙසත් ලොව හොදම පුහුණුකරුවා මහේල ජයවර්ධන බවත් නීටා අම්බානි එම අවස්ථාවේදී කණ්ඩායමේ සියලු දෙනා ඉදිරියේ ප්‍රකාශ කල බවද ඉන්දීය මාධ්‍ය වාර්තා කර තිබුණි ඒ වගේම මහේල මාලිංග තමන්ගේ කණ්ඩායමේ ඊලග වසරේත් තබා ගැනීමට ද තමන්ගේ අදහසක් ඇති බව ඇය වැඩි දුරටත් ප්‍රකාශ කර තිබුනා

ගෙදර මළගෙයක් තිබියදීත් කණ්ඩායම වෙනුවෙන් යුතුකම කල සුපිරි පන්දු යවන්නා මළගෙදර යන්න කලින් හිමිකරගත් දේ මෙන්න

ඉන්දීය ප්‍රිමියර් ලීග් ක්‍රිකට් තරගාවලියේ ඊයේ (08) දිනයේ ඉතාමත් හැගුම්බර සිදුවීමක් සිද්ධ වුණා.

ඒ කිංග්ස් ලෙවන් පන්ජාබ් කණ්ඩායමේ වේගපන්දු යවන ක්‍රීඩකයකු වන ඇන්ඩෲ ටයිගේ නිවසේ අවංමගල්‍යයක් සිදුවී තිබීම.

ඕස්ට්‍රේලියානු ජාතික ක්‍රිකට් කණ්ඩායමේ ක්‍රීඩකයෙකු වන ඇන්ඩෲ ටයිගේ ආච්චි අම්මා හදිසියේම ජීවිතක්ෂයට පත්ව තිබෙනවා.

ඒත් ඇන්ඩෲ තමන්ගේ සිතේ දුක තදකරගෙන කණ්ඩායම වෙනුවෙන් පන්දු යැවූ මේ ක්‍රීඩකයා කඩුළු 4ක් දවා ගැනීමට සමත් වුණා.

එපමණක් නොවෙයි ඇන්ඩෲ ටයි 2018 ඉන්දීය ප්‍රිමියර් ලීග් ක්‍රිකට් තරගාවලියේ මේ වන විට වැඩිම කඩුළු දවාගත් පන්දු යවන්නා බවට ද ඊයේ දිනයේ පත්වුණා.

මේ හේතුවෙන් ඔහුට දම් පැහැති හිස් වැසුම ද හිමිවුණා.

මගේ තාත්තාට පිළිකාව හැදුනම උදව් කලේ රෝහීත් IPL බලන්න ගිය ශ්‍රී ලාංකීය තරුණයා මුම්බායි පිටුව කණපිට පෙරලයි

මේ දිනවල ලොව පුරාම ක්‍රිකට් රසිකයන්ගෙ අවදානයට ලක්ව තිබෙන්නෙ ඉන්දීය ප්‍රීමියර් ලීග් තරගාවලියයි. මෙම තරගාවලියේ මුම්බායි ඉන්ඩියන්ස් කණ්ඩායම ශ්‍රී ලංකා රසිකයන්ගේ වඩාත් අවදානයට ලක්ව තිබෙනවා.
ඒ ශ්‍රී ලාංකික හිටපු ක්‍රීඩක මහේල ජයවර්ධන සහ වේග පන්දු යවන ක්‍රීඩක ලසිත් මාලිංග මුම්බායි කන්ඩායමේ පුහුණුකරුවන් ලෙස කටයුතු කිරීම නිසා.

ඉන්දිය ක්‍රිකට් කණ්ඩායමේ සහ විශේෂයෙන්ම එම කණ්ඩායමේ නායක රෝහීත් ෂර්මාගේ රසිකයෙකු ලෙස ප්‍රසිද්ධ මොහොමඩ් නිලාම් පසුගිය දින මුම්බායි හි සංචාරය කරමින් මුම්බායි ඉන්ඩියන්ස් කණ්ඩායමට සහය දක්වා තිබුනා. මොහොමඩ් නිලාම්ගේ පියාට අසනීප වූ අවස්තාවේ රෝහීත් ෂර්මා ඔහුට උපකාර කර තිබෙන බවද පැවසෙනවා.

ඒ අවස්තාවේ විඩීයෝවක් මුම්බායි ඉන්ඩියන්ස් කණ්ඩායම විසින් සිය නිල ෆේස්බුක් පිටුවේ පලකර තිබූ අතර එම විඩීයෝව පහතින්

A special Rohit Sharma fan

We met a special Rohit Sharma and #MI fan all the way from Sri Lanka! 🇱🇰#CricketMeriJaan #MumbaiIndians

Posted by Mumbai Indians on Wednesday, April 25, 2018

මාලිංගව ඕනේ.ක්‍රීඩකයින් එකහෙළා කියයි.දක්ෂයන් කියපු අරුම පුදුම දේ මුම්බායි කණ්ඩායම එක දිගට පරදිද්දී හැමෝම මාලින්ගව ඉල්ලයි

ඉන්දීය ප්‍රිමියර්ලීග් ක්‍රිකට් තරගාවලියේ මුම්බායි ඉන්දියන්ස් කණ්ඩායමේ පන්දු යැවීමේ උපදේශකයෙකු ලෙස කටයුතු කරන ශ්‍රී ලංකා කණ්ඩායමේ සුපිරි වේග පන්දු යවන ලසිත් මාලිංග ගැන අරුම පුදුම කියමන් ඊයේ පෙරේදා දිනක පැතිරෙන්නට පටන් ගත්තා.

ඒ මුම්බායි ඉන්දියන්ස් කණ්ඩායම නියෝජනය කරන ක්‍රීඩකයන් සහ අනෙකුත් පුහුණුකරුවන්ගේ මුවින්.

පන්දු යවන්නන් වන Mitchell McClenaghan, Pradeep Sangwan සහ පන්දු යැවීමේ පුහුණුකරු Shane Bond මෙලෙස ලසිත් මාලිංග පිළිබඳව කතාබහ කළේ.

Mitchell McClenaghan කියා සිටියේ, මට හිතෙන විදිහට මාලිංග තමයි පන්දුවාර විස්ස ක්‍රිකට් වල ඉන්න හොදම පන්දු යවන්නා. ඒ වගේම සැලසුම් කිරීමේදී ඔහු ඉතාමත් කූල්. මාලිංගට ඕනේ හිනාවෙල රිලැක්ස් එකේ ඉන්න.

පන්දු යැවීමේ පුහුණුකරු Shane Bond, මම මාලිංග කටයුතු වැඩකරපු කාලය තුළ හුගක්ම සතුටින් වැඩකළා. මම හිතන්නෙ ඔහු ඉහළ ගෞරවයක් ලැබියයුතු ක්‍රීඩකයෙක් කියලා. ඒ වගේම ඔහු මිනිසුන් සමඟ හොඳ දේවල් බෙදාහදා ගන්නවා.

Pradeep Sangwan, මම ඔහුගෙන් දැක්ක හොදම දේ තමයි පන්දු යවන්නන්ට හොද ඉදිරි දර්ශනයකින් තමයි හැමදේම කියලා දෙන්නේ.

මාලිංගගෙන් තිලංග සුමතිපාල ඇති තරම් පළිගත්තා ඔයා දැන් යන්න කාලේ හරි රංජන්ගෙන් තිලංගට සැර ප්‍රකාශයක්

ශ්‍රී ලංකා ක්‍රිකට් ආයතනයේ වතමන් සභාපති තිලංග සුමතිපාල මහතා හා හිටපු ක්‍රීඩා අමාත්‍යවරයා ලසිත් මාලිංගගෙන් පලිගත් බව රාජ්‍ය අමාත්‍ය රන්ජන් රාමනායක මහතා පැවසීය. මාදිවෙල පැවැති මාධ්‍ය හමුවකදී ඔහු මේ බව පවසා සිටියේය. එසේම වත්මන් සභාපතිවරයාට එම තනතුරේ රැඳී සිටීමට හැකියාවක් නොමැති බවත් ඔහු තනතුරින් ඉල්ලා අස්විය යුතු බවද අමාත්‍යවරයා මෙහිදී පවසා සිටියේය.

“ මම ක්‍රිකට් ක්‍රීඩාව ගැන කළ ප්‍රකාශය වත්මන් සභාපතිවරයා හෝ හිටපු ක්‍රීඩා ඇමතිවරයාට කළ ප්‍රකාශයක් නොවන බවට ක්‍රිකට් ආයතනයේ සභාපති තිලංග සුමතිපාල මහතා කළ ප්‍රකාශය සාවද්‍ය ප්‍රකාශයක්. මම හිටපු, හිටිය හා දැන් ඉන්න සියලු දෙනාගේ දූෂණ වංචා ගැන තමයි කියන්නේ. වැඩියෙන්ම දූෂණ වංචා තියෙන්නේ දැන් ඉන්න සභාපතිවරයා හා හිටපු ක්‍රීඩා ඇමතිවරයා හිටපු සමයේ බව ප්‍රකාශ කරනවා.

මම තරහින් වෛරයෙන් මේවා කියන්නේ නෑ. මමත් ක්‍රිකට් ලෝලියෙක්. මා පසුපස ක්‍රිකට් ක්‍රීඩකයන්, මාධ්‍යවේදීන් සහ ජනතාව ඉන්නවා. මගේ චරිතේ තමයි හොරු ගැන කෑගහන එක. හොරු අල්ලන එක. ඒකෙදි මම ෆේල්වෙනවද නැද්ද කියන එක ඉතිහාසාය තීන්දු කරයි. නමුත් හෙරුන් සමග නිදිවදිනවට වඩා හොරුන් එක්ක එකතු වෙලා හොරකම් කරනවට වඩා හොරුන් ගැන අණාවරණය කරලා පච වෙන එක, හොරුන් එක්ක සටන් කරලා පරදින එක නම්බුයි. මේ සටනද පරදින්න පුළුවන්. නමුත් මට ඒක නම්බුයි. මම හොරකම් කරලා නෑ. ඒ නිසා මම මගේ සටන දිගටම ගෙනියනවා.

ක්‍රීඩා නීතිය අනුව තිලංග සුමතිපාල මහතාට අයිතියක් නෑ ක්‍රිකට් ආයතනයේ මුල් පුටුව හොබවන්න. සුමතිපාල මහතා මාධ්‍ය ආයතනයක හිමිකරුවෙක්. මීට අමතරව ඔහු ක්‍රීඩා භාණ්ඩත් ගෙන්වනවා. ඔට්ටු ඇල්ලීමට සම්බන්ධ අයට එය ක්‍රීඩා නීතියට පටහැනිය. දයාසිරි ඇමතිතුමා ගැන මම දන්නේ නෑ එතුමාට ලැබෙන වාසිය කුමක්ද කියලා. එතුමා ඔහු මුල් පිටුවේ තැබුවා.

අපි ක්‍රිකට් ක්‍රීඩාවේ සිටියේ අංක තුනේ. දැන් ඉන්නේ අට නැත්නම් 9 යේ. ඒක වුණේ දයාසිරි ජයසේකර ඇමතිතුමා හා තිලංග සුමතිපාල මහතා සිටින කාලයේදී. ලැජ්ජාවක් තියෙනවානම් නැවත ඉල්ලන්නෙත් නෑ. කශේරුකාවක්, කොන්දක්, සදාචාරයක් තියෙනවානම් මේ පාර ඉල්ලන්නේ නෑ. අයි.සී.සී. දූෂණ චෝදනා සම්බන්ධයෙන් ශ්‍රී ලංකාව පිළිබඳ පරීක්ෂණ කළා. මගෙනුත් ඇහුවා. මමත් දන්න දේවල් කිව්වා. ලසිත් මාලිංගගෙන් පලිගත්තා. අපි කවුරුත් දන්නවා. ඇයි පසුගිය කාලයේ පරාජයට පත්වූයේ කියලා. මාධ්‍යෙව්දීන් මේ ගැන කතා කරන්නේ නැත්නම් මොකක් හරි තියෙනවා.

මම මාධ්‍ය වේදීන් 12දෙනෙකුගේ නම් කියන්නම්. පසුගිය කාලයේ විදෙස් සංචාර ගිය හැටි. ආටිකල් එකකට 7500 බැගින් ගත්ත හැටි. නම් ගත්ත හතර දෙනෙක් අපි ළඟ ඉන්නවා. වඳින්නම් අයියේ නම් කියන්න එපා කිව්වා. පොඩි හොරකම්, ලොකු හොරකම් කියලා දෙකක් තියෙනවා. මම පොඩි හොරකම් පස්සේ යන්නේ නෑ.

මම අද ඉඳගන්නේ තනියම. ඉදිරියට සුපිරි ක්‍රීඩකයන් සමග වාඩි වෙන්න බලාපොරොත්තු වෙනවා. සුපිරි තොරතුරු ගණනක් මග එනවා. මම කියන්නේ සාධාරණව මෙතුමට අයින් වෙන්න කියලයි. ඒ ක්‍රිකට් බේර ගන්නයි. දැන් මේක කෑවා ඇති. දැන් සමුඅරන් හරි කෙනෙකුට දෙන්න.”

නිදහස් කුසලාන තරගාවලියේ තරග විකිණු කවුරුත් නොදත් දේ මෙන්න සියලුම තොරතුරු එක පන්දු වාරයක් ඩොලර් 27000

මාර්තු මස 6 වැනිදා සිට මාර්තු මස 18 වැනිදා දක්වා කොළඹ ආර්. ප්‍රේමදාස පිටියේ දී පැවැත්වූ නිදහස් කුසලාන ක්‍රිකට් තරගාවලියේ සාර්ථකත්වය පිළිබඳව ශ්‍රී ලංකා ක්‍රිකට් ආයතනයේ සභාපති තිලංග සුමතිපාල මහතා පසුගිය දා ශ්‍රී ලංකා ක්‍රිකට් ආයතනයේ සිංහල හා දමිල අලුත් අවුරුද්ද වෙනුවෙන් පැවති උත්සවයේ දී දැනුම් දෙන ලදි.

“අපි ශ්‍රී ලංකාව තුළ මෙවන් ආකාරයක ඉතාමත් හොඳ තරගකාරී තරගාවලියක් නිර්මාණය කරලා මෙරට පැවැත්වූ ක්‍රිකට් තරගාවලියක් තුළින් ඉතිහාසයේ පළමු වතාවට ලොකු ආදායමක් මෙරටට රැගෙන ආවා. අප සමඟ ගනුදෙනු කිරීමට පැමිණි ආයතන හා නියෝජිතයින්ව ඉතාමත් සුහදශීලීව හැසිරවීමට අපට පුළුවන් වුනා. මෙම තරගාවලියේ මුළු ආදායම රුපියල් බිලියන 1.3ක් එම තරගාවලියේ එක පන්දුවාරයක් තරග විකාශනය කරන නාලිකාවලට ලබා දුන්නේ ඇමරිකානු ඩොලර් 27,000ක් (ආසන්න වශයෙන් ශ්‍රී ලංකා රුපියල් ලක්ෂ 43ක්) වැනි ඉහළ මුදලකට. ඒ මේ තරගාවලියේ තිබූ තරගකාරිත්වය නිසා. රුපියල් මිලියන 900ක ශුද්ධ ලාභයක් මෙම තරගාවලිය තුළින් ලබාගන්න අපට පුළුවන් වුනා.” යැයි සුමතිපාල මහතා එම උත්සවයේ දී පවසන ලදි.

ක්‍රිකට් ක්‍රීඩාවේ ඇති තරගකාරිත්වය හා අවිනිශ්චිත බව ඉතාමත් හොඳින් පසක් කර දුන් මේ තරගාවලියේ ශ්‍රී ලංකාවට අවසන් මහා තරගයට ඒමට අවස්ථාව නොලැබුනත් එම අවසන් මහා තරගය නැරඹීමට විශාල ප්‍රේක්ෂකයින් ප්‍රමාණයක් පැමිණ සිටියේය. එම තීරණාත්මක අවසන් මහා තරගය ඉතාමත් තියුණු මුහුණුවරකට පසුව අවසන් වූයේ ඉන්දීය කණ්ඩායමට නිදහස් කුසලාන ශූරතාවය හිමි කර දෙමිනි.

ක්‍රිකට් සභාපති වරයා වැඩි දුරටත් පවසා ඇත්තේ නිදහස් කුසලානයේ ලබාගත් වාසිය වැනි වාසියක් LPL තරඟාවලිය තුලත් ලබාගත හැකි නිසා එම තරඟාවලිය ප්‍රමාද නොකර ආරම්භ කල යුතු බවය.“ලංකන් ප්‍රිමියර් ලීග් එක අපි නිසැකවම මේ අවුරුද්දේ පටන්ගන්නවා. මොකද මේ තරගාවලිය දැන් පටන්ගත්තේ නැත්නම් ඉදිරියටත් මේ වගේ තරගාවලියක් කරන්න අපිට අමාරු වෙයි. ඒකට හේතුව ඉන්දියාව, ඕස්ට්‍රේලියාව, පාකිස්තානය, බංගලාදේශය, කොදෙව් දුපත් වගේ රටවල් ඉතාමත් තරගකාරී ලෙස මේ ප්‍රිමියර් ලිග් තරගාවලි ඔවුන්ගේ රටවල්වල පවත්වනවා.” යැයි සුමතිපාල මහතා අවසාන වශයෙන් එහි දී පවසන ලදි.