නිදියහන කැළඹෙයි තුලින් රටම කැළඹූ කාම දෙවඟන අනූෂා සොනාලි යලිත් කරළියට

අනූෂා සොනාලි සිනමා නිළියක් විදිහට බොහෝ ප්‍රේක්ෂක ආකර්ෂණය දිනාගත් චරිතයක්. ඇය මීට කලකට පෙර රඟපෑ චරිත බොහෝ දෙනා අතර කතා බහට ලක්වුණා. කලක් රඟපෑමෙන් ඉවත්ව නිහඬ දිවියක් ගත ඇය මේ වන විට අසනීප තත්ත්වයෙන් පසුවුණත් නුදුරේදීම ටෙලිනාට්‍යයකට සිය රංගන දායකත්වය ලබා දීමට සූදානමින් ඉන්නවා. ජීවිතයට කොතෙකුත් බාධක, කම්කටොළු පැමිණියත් ඒ සියල්ලට ධෛර්යයෙන් යුතුව මුහුණ දුන් ඇය පුවත්පත් සාකච්ඡාවකට එක්වෙමින් තම ජීවන තොරතුරු හෙළිකර තිබුණේ මෙලෙසින්.

ඉගෙන ගන්න කාලේ සිහින මැව්වේ කවුරු වෙන්නද?
ඒ කාලේ ඉඳන්ම නිළියක් වෙන්න තමයි සිහින මැව්වේ.
එතකොට රඟපාන්න අවස්ථාව උදාවුණේ?
සාමාන්‍ය පෙළ විභාගය කරන කොට රස පත්තරේ මංගල කලාපය ජීවන් කුමාරතුංග මහතාගේ සහ ගීතා කුමාරසිංහගේ කවරයක් පළවුණා. ඒ කාලේ ඉඳන්ම මං ජීවන් අයියට ආසයි. ජීවන් අයියා මුල් කවරයේ ඉන්න හින්දාම තමයි පත්තරේ ගත්තේ. ඒ පත්තරේ දාලා තිබුණා සුමිත්‍රා පීරිස් මහත්මිය ගැහැණු ළමයි ටෙලි නාට්‍යයට නවක ගැහැණු ළමයි තෝරනවා කියලා.
එතකොට ඔබ අවුරුදු කුමාරිය වෙලා හිටියා. එහෙමනේ?
ඔව්. කළුතර ප්‍රාදේශිය සභාවෙන් පවත්වපු අවුරුදු උත්සවයේ කළුතර දිස්ත්‍රික් අවුරුදු කුමාරිය වෙලයි හිටියේ. රස පත්තරේ තිබුණ දැන්වීමට මගේ අයදුම්පත්‍රයකුත් පුරවලා ඡායාරූපයකුත් සමඟ යොමුකළා.
ඊට පස්සේ?
මට සම්මුඛ පරීක්ෂණයට එන්න කියලා ආරාධනා ආවා. අන්තිමේ මම සම්මුඛ පරීක්ෂණ විස්සකට විතර සහභාගි වුණා.
සුමිත්‍රා පීරිස් ඔබට දැකපු ගමන් මොකද කිව්වේ?
ගෙදර ඉස්සරහා කාමරේ තමයි ඇය වාඩිවෙලා හිටියේ කැමරාවක් තිබුණා. තව තුන් හතර දෙනෙක් හිටියා. මගේ විස්තර අහලා නැගිටින්න කිව්වා. ආපහු වාඩිවෙන්න කිව්වා.
ගෙදර ගියාට පස්සෙ මොකද වුණේ?
අපේ ගෙදර අය තමයි සුමිත්‍රා පීරිස් මහත්මිය ගැන දන්නේ. ඒ කාලේ ලෙස්ටර් සර් අපේ අම්මාගේ පින්තූරයක් පත්තරයකින් දැකලා ගම්පෙරළිය චිත්‍රපටයට කතා කරලත් තිබුණා. අන්තිමේ අම්මා සහභාගි වෙලා තිබුණේ නැහැ.
ඒ අවස්ථාව ලැබීම ගැන මොකද හිතුණේ?
අදටත් ඒ ගැන සතුටුයි. ගෙදර කැමැත්ත පවා අරගෙන තමයි රඟපාන්න ගියේ.
අන්තිමේ නිර්මාණ රැසකට ආරාධනා ලැබෙනවා?
ගැහැණු ළමයි චිත්‍රපටය යන අතරේ සුමිත්‍රා පීරිස් මහත්මියගේ ලොකු දුව චිත්‍රපටයේ රඟපාන්නත් අවස්ථාව උදාවනවා. ඒකේ ෂූටින් ඉවරවෙනවාත් එක්කම තවත් චිත්‍රපටයක් හම්බවෙනවා. මගේ පළමු චිත්‍රපටය තමයි ලොකුදුව.
ඔබේ මුල්ම චිත්‍රපටය අදටත් තිරගත වුණේ නැහැනේද?
නිදියහන කැළඹෙයි චිත්‍රපටයේ තමයි මුලින්ම රගපෑවේ. තවම ඒක තිරගත වුණේ නැහැ.
ඒ කාලේ ලැබුණ ජනප්‍රියත්වය ගැන මොකද හිතන්නේ?
ඒ කාලේ මට හැමෝම කිව්වේ රස තාරකාවිය කියලා. ඒ වගේම තවත් පත්තරවල මගේ මොනවාහරි ප්‍රවෘත්ති පළවුණාම ඒකෙන් ලොකු ප්‍රසිද්ධියක් ලැබුණා. මං රඟපෑ ටෙලිනාට්‍ය එන්න කලින් මාව ජනප්‍රිය වුණා. මගේ ජීවිතයේ අමතක කරන්නම බැරි චරිතයක් තමයි අර්නස්ට් වඩුගේ කියන්නේ. මොකද එයා තමයි ඇත්තටම මාව ජනප්‍රිය කළේ.
ලොකු දුව චිත්‍රපටයේ දී ඔබට සිනමාවේ දැවැන්ත චරිත කිහිපයක් මුණගැහුණා නේද?
ගීතා කුමාරසිංහ, ජෝ අබේවික්‍රම, අයිරාංගනී සේරසිංහ, කමල් අද්දරආරච්චි, ජැක්සන් ඇන්තනි වැනි දැවැන්තයෝ ටික මට මුණගැහුණා.
කාලයක් ඔබ නිහඬව හිටියා නේද?
ඒ කාලේ දාන දාන චැනල් එකේ ඉන්න ඕනෑ කියන මතයේ මම හිටියේ නැහැ. අනික ලැබෙන හැම නිර්මාණයක්ම භාර ගත්තෙත් නැහැ. එක නිර්මාණයක් අවසන් වුණාට පස්සේ තමයි අනෙක භාරගත්තේ. දැන් ආපහු ආරාධනාවක් ලැබුණා. රෝද පුටුවේ ඉඳන් තමයි රඟපාන්න තියෙන්නේ.
අවුරුදු දහයකට පසුව තමයි ආපහු රඟපෑමට එන්නේ?
ඔව්. අවුරුදු දහයකට පස්සේ තමයි මම ටෙලිනාට්‍යයක් භාර ගත්තේ. නාලක විතානගේ තමයි අධ්‍යක්ෂවරයා. එලඹෙන 28 වැනිදා ඉඳන් තමයි රූගත කිරීම් ආරම්භ කළේ.

මොනවගේ චරිතයක් ද ලැබුණේ.
ප්‍රධාන චරිතය කරන ගැහුණු ළමයාගේ මවගේ චරිතය තමයි මට ලැබුණේ.
අසනීප තත්ත්වයේ ඉදන් රඟපාන්න පුළුවන්ද?
ඇත්තටම මම හිතන්නේ නාලක සමඟ මීට කලින් වැඩ කරලා තියෙනවා. හවසට මම ඇවිදින්න එළියට යනවා. එයා ඉන්නෙත් අපේ ගෙවල් කිට්ටුව. ඔහු මාව නිතරම දකිනවා. ඒ නිසා තමයි මේ ආරාධනාව සිදුකළේ. මේ වගේ තත්ත්වයක හිටපු මට ආරාධනා කරපු එක ගැන පවා සන්තෝස වෙනවා. මට අවස්ථාව දෙන්න ඕන නිසා තමයි මවගේ චරිතය ඒ විදිහට හරවලා තියෙන්නේ.
අසනීප වූ කාලයේ ආපු ප්‍රශ්න ගැන මොකද හිතෙන්නේ?
ප්‍රශ්න නම් එමටයි. මට තිබිලා තියෙන්නේ ප්‍රශ්නවලින් පිරුණු ජීවිතයක්. මම ඒවායින් සැලුණේ නැහැ. අදටත් මම ගලක් වගේ ඉන්නවා. මගේ හිත හයියයි.
ඒ කාලේ ඔබට හරියට චෝදනා පවා එල්ල වුණා නේද?
මම ඒවා අදටත් ගණන් ගන්නේ නැහැ.

ක්ෂේත්‍රයේ තරහාකාරයෝ ඉඳලා තියෙනවාද?
ක්ෂේත්‍රයේ තරහාකාරයෝ නැහැ. අසනීප වුණාට පසුව තමයි හරියටම යාළුවෝ කවුද කියලා දැනගත්තේ. මට පුළුවන් කාලේ තියෙන කාලේ මගේ වටේ ගොඩක් යාළුවෝ හිටියා. කොළඹ ඉන්න කාලේ අපේ ගෙදර පාටියක් දැම්මොත් අපේ ගෙදර කට්ටිය පිරිලා. දුර හිටපු අය ඔක්කොම වගේ හිටියේ මගේ ගෙදර.
අසනීප වෙන්න කලින් හිටපු යාළුවෝ අද නෑ නේද?
අපොයි ඔව්. අද ඉන්නේ ඒ යාළුවොන්ගෙන් තුන් හතර දෙනයි.
මේ හින්දා ජීවිතය ගැන පසුතැවීම් තියෙනවාද?
නැහැ. මිනිස්සු කවුද කියලා හොඳටම තේරුම් අරන් තියෙනවා.
අතීතයේ මාධ්‍යවලින් ඔබට මොනවගේ සහයෝගයක් ද ලැබුණේ?
මං කවදාවත් පත්තර වාර්තාකාරයෝ පස්සෙන් ගිය චරිතයක් නෙමෙයි. මගේ ළඟම මිත්‍රයෝ නිර්මාණයක් කරද්දී චරිතයක් දෙන්න කියලා නැහැ. පත්තරවල ආටිකල් දාලා දෙන්න, කවරයක් දාලා දෙන්න කියලා කවදාවත් කියලා නැහැ. ලැබෙන දෙයක් තියෙනවා නම් ඒ දේ ලැබෙයි. එ‍හෙම ගියෙ නෑ කියලා අදටත් මගේ චරිතයට හානියක් වෙලා නැහැනේ.
ඔබ ගැන කතා කරද්දී විසිදැල ගැන කතා නොකරම බැහැ?
සුමිත්‍රා පීරිස් කියන්නේ ලංකාවේ අග්‍රගණ්‍ය අධ්‍යක්ෂිකාවක්. ඒ වගේම එච්.ඩී. ප්‍රේමරත්න මහත්මයාත්. ඉතිං මම හරි වාසනාවන්තයි ඒ වගේ කෙනෙක් එක්ක වැඩ කරන්න ලැබීම ගැන.
ජීවිතයේ ගත්තු තීන්දු ගැන පසුතැවීම් ඇති නේද?
මට දෙයක් කරන්න ඕනි කියලා හිතුණොත් අනිවාර්යයෙන්ම කරනවා. මම හැමතිස්සෙම තනි තීරණ ගත්තු චරිතයක්. ඉදිරියටත් එහෙමයි. අදටත් එහෙමයි.
තනි තීරණ හින්දා වැරදුණ අවස්ථා එමටයි. එහෙම නේ?

එහෙම වෙලාත් තියෙනවා. නැතිවත් තියෙනවා. ඒක ලොකුවට ප්‍රශ්නයක් කර ගන්නේ නැහැ.

 

 

 

සුපර් ස්ටාර් මලිත් පෙරේරාගේ අඩ නිරුවත් සරාගී රුව ඕස්ට්‍රේලියානු යුවතියන් උමතු කරයි මෙන්න මලිත් දාපු අලුත්ම ෆොටෝ ටික

සිරස සුපර් ස්ටාර් තරඟාවලියේ පළමු වැඩසටහනේ ජනප්‍රියම තරඟකරුවකු වූ මලිත් පෙරේරා මේ වනවිට ජීවත් වන්නේ ඕස්ට්‍රේලියාවේ. ඔහු වෘත්තියෙන් වරලත් ගණකාධිකාරිවරයෙක්.

පසුගිය සමයේ ඔහු විසින් සිය ඉන්ස්ටග්‍රෑම් සමාජජාල ගිණුමේ පළ කල ජායාරූප කිහිපයක් සමඟ ඔහු පිළිබඳව යලිත් කතාබහක් ඇති වී තිබේ.

තරමක් කෙසඟ සිරුරකට හිමිකම් කියූ මලිත් දැන් ඉතා ආකර්ශණීය සිරුරකින් යුතු කඩවසම් තරුණයෙක්.

ඔහු විසින් පළකල සරාගී ජායාරූප වෙත සිය අදහස් පළකර බොහෝ දෙනෙක් ඔහුට නිල් චිත්‍රපට ක්ෂේත්‍රය සමඟ එක්වන ලෙසටද ඉල්ලා තිබෙනවා. කෙසේ නමුත් ඔහු ඒ පිළිබඳව කිසිදු ප්‍රතිචාරයක් දක්වා නැහැ.

මලිත් පෙරේරාගේ එම ජායාරූප එකතුව ඔබට පහතින් දැකගත හැක.

 

ශැන්ග්‍රීලා කෑම පිඟානට 21,000ක් ගෙවන්න ව්‍යාපාරිකයින් සහ දේශපාලකයින් පෝලිමේ එක වෙඩින් එකක කෑම බිල 1,68,000,00/- ක්

එක කෑම වේලක එක පිඟානකට රුපියල් 21000 ක් වියදම් කළ හැකි අය ලංකාවේ සිටිත් ද? සිටිනවා යැයි සිතමු..! එහෙත් එවැනි කෑම පිඟන් 800 ක් සඳහා රුපියල් 1,68,000,00/- ක් (එක් කෝටි හැට අට ලක්ෂයක්) එක වේලකට වියදම් කළ හැකි ධනවතුන් ලංකාවේ සිටිත්ද? පිළිතුර ‘සිටිති‘ යන්නයි. පුදුමය එය නොවේ. පුදුමය නම් එවැනි ධනවතුන් ගේ පෝලිම නිසා එවැනි අධික මිල සහිත ආහාර වේලක ඕඩරයක් ගැනීමට ලබන නොවැම්බර් මාසය පසුවන තෙක් බලා සිටීමට සිදුවී ඇතැයි කීම යි.
කට ඇරියොත් බොහෝ වෙළෙඳුන් කියන්නේ ‘බිස්නස් වැටිලා‘ කියා ය. සාමාන්‍ය මිනිහා කියන්නේ පොල් ගෙඩියේ ගාණය. නමුත් ඉහතින් දැක්වූයේ රටේ සත්‍ය තත්ත්වයෙන් බිඳකි.
මම පසුගියදා මගේ මිතුරෙකු හමුවීම පිණිස අලුතින් විවෘත කරන ලද ලංකාවේ සුපිරි හෝටලයක් වන ෂැන්ග්‍රිලා හෝටලයට ගියෙමි. මිතුරා එහි සේවකයෙකි. එහි ෂැන්ග්‍රිලා බෝල් රූම් ශාලාවේ කාගේදෝ විවාහ මංගල උත්සවයකි. මාගේ මිතුරාගෙන් මා ඒ පිලිබඳව විමසා සිටියෙමි. එහිදී ඔහු කීවේ එය ලංකාවේ තේ ව්‍යාපාරයට සම්බන්ධ ව්‍යාපාරිකයෙකුගේ දරුවෙකුගේ විවාහ මංගල උත්සවයක් බවයි. ව්‍යාපාරිකයා මිලදී ගෙන තිබූ එක් කෑම පිඟානක මිල රු. 21000 කි. සහභාගී වන අමුත්තන් සඳහා එවැනි කෑම පිඟන් 800 ක් සඳහා ඔහු මුදල් ගෙවා තිබිණ. කෑම බිල පමණක් රුපියල් එක්කෝටි හැට අට ලක්ෂයකි. වෙනත් වියදම් ද රාශියකි. ෂැන්ග්‍රිලා හෝටලයේ එවැනි මංගල්‍යයක් සඳහා අද වෙන් කර ගැනීමකට ගිය හොත් ඔබට වෙන් කර ගත හැක්කේ ලබන නොවැම්බර් මාසයෙන් පසු දිනයකි. එනම් ඒ දක්වා සියල්ල වෙන් වී ඇති බැවිනි. එලෙස දින වෙන් කර ගෙන ඇති අති බහුතරය සම්පූර්ණයෙන්ම ලාංකිකයන් ය.
මෙය ලංකාවේ හෝටල් ව්‍යාපාරය සම්බන්ධයෙන් සාධනීය තත්ත්වයක් නොවන්නේ යයි කිව හැක්කේ කාටද? ලෝකය පුරා ඇති හෝටල් ව්‍යාපාර දම්වැලක ලංකාවේ පිහිටි මිල අධිකම හෝටලයක් ලංකාවේ ධනපතියන්ගෙන් මේ ආකාරයට පවත්වාගෙන යා හැකි නම් ලංකාවේ ව්‍යාපාර කඩා වැටිලා යයි කියන්නේ කව්ද?
කඩා වැටී ඇති ව්‍යාපාර ද නැතිවා නොවේ. නමුත් කියනා තරම් සමස්ථයේ කඩා වැටීමක් තිබේ නම් ෂැන්ග්‍රිලා හි කතාව මීට වඩා වෙනස් එකක් විය යුතුය. මම මගේ මිතුරා සමග ඔරේන්ජ් ජූස් වීදුරුවක් බී පැමිණි කාරණා ගැන කතා කර ආපසු ආවෙමි. ඔරේන්ජ් ජූස් වීදුරුවේ ගාන මම නොදනිමි. එය මිතුරාගේ ගානේ ය.
ශ්‍රීමාල් වස්තුහැන්නදි

බුද්ධාගමේ නරකම අපාය අවීචි නරකාදියයි ඒ නිසා මම අවීචි නම තෝරා ගත්තා මිය ගිය ලෝක ප්‍රසිද්ධ DJ අවීචි තමන් තෝරාගත් අමුතු නම ගැන කියූ කතාව

බටහිර සංගීත ප්‍රභේදයක් වන EDM සංගීත ශෛලිය ජනප්‍රිය කරවීමට විශාල දායකත්වයක් සැපයූ සංගීත නිෂ්පාදකයෙකු වන DJ අවීචි ගේ මරණය පිළිබදව අප ඔබට මින් පෙර වාර්තා කළා. ලොව ප්‍රමුඛතම DJ ශිල්පියෙක් වූ අවීච් ගෙ සැබැ නාමය ටිම් බර්ග්ලින්.

ස්වීඩන ජාතිකයෙක් වූ ටිම් , මිය යන විට 28 හැවිරිදි වියේ පසුවුවා. EDM සංගීත ශෛලියේ ලොව ප්‍රමුඛතම නිර්මාණ කරුවෙක් වන අවීචි ගේ මරණය සමග මුලු ලොව පුරාම රසිකයන් කම්පාවට පත්ව තිබු අතර ඒ අතර ලොව පුරා රටවල සංගීතඥයන්ද විශාල ප්‍රමාණයක් සිටිනවා.

කෙසේ වෙතත් ටිම් බර්ග්ලින් යන නම භාවිතා නොකොට , අවීචි යන වේදිකා නාමය ටිම් බර්ලිං භාවිතා කිරීම පසුපස ඇත්තේ අපූරූ කතාවක්.
දිනක් ටිම් බර්ග්ලින් මයි ස්පේස් නම් සමාජජාලයේ ගිණුමක් සෑදීමට ගොස් තිබෙන අතර , එහිදි ඔහුගේ ටිම් බර්ග්ලින් නාමය දැනටමත් වෙනත් අයෙක් විසින් ගෙන තිබුනා. එම නිසා වෙනත් නමක් පිළිබදව සිතු ටිම් බර්ග්ලින් “අවීචි” යන නාමය තෝරා ගෙන තිබුනා. ඔහු අවීචි යන නාමය තෝරා ගැනීමට හේතු වී තිබෙන්නෙ එම නාමයේ අර්ථයයි. අවීචි යනු බුද්ධ ධර්මයේ පහලම අපාය බවත් , තමන් එම නමට කැමති වූ බවත් ටිම් බර්ග්ලින් පවසනවා.

ටිම් බර්ග්ලින් , අවීචි වූ හැටි විස්තර කළ අයුරු , විඩීයෝව පහතින්

එක තරගයක්වත් පැරදිලා නැ ශ්‍රී ලංකාවේ හොදම පාසල් බොක්ෂිං ක්‍රීඩිකාව උදව් කරන්න දුප්පත්කම නිසා ක්‍රීඩාව අත් හැරීමට යන ගමේ දියණියක්

පසුගිය පොදුරාජ්‍ය මණ්ඩලීය ක්‍රීඩා තරගවලියට ක්‍රීඩා කළ ශ්‍රී ලංකා කාන්තා බොක්ෂිං ක්‍රීඩීකා අනූෂා කොඩිතුවක්කු මවුබිම වෙනුවෙන් පොදුරාජ්‍ය මණ්ඩලීය ලෝකඩ පදක්කමක් දිනා ගත්තේය. මවුබිමේ සහ අනූෂාගේ වාසනාවට ඇයව රැක බලා ගැනීමට ඇයගේ කළමණාකරු ඩයන් ගෝමස් සිටියේය. නමුත් අප රටේ කොතරම් දක්ෂ ක්‍රීඩක , ක්‍රීඩිකාවන් පිරිසක් ක්‍රීඩාවට අවශ්‍ය පහසුකම් හෝ මූල්‍ය අනුග්‍රහය නොමැතිව ක්‍රීඩාව අතහැර ඇත්ද ?
අනාගත අනූෂා කොඩිතුවක්කු කෙනෙකු වීමට හැකි පාසල් ක්‍රීඩිකාවක් පිළිබදව නෙත් ගොසිප් අපට වාර්තා වෙනවා. නමුත් අවාසනාවකට මූල්‍ය අනුග්‍රහය නොමැතිව  ඇය ක්‍රීඩාව අත් හැර දැමීමට පවා ආසන්නය. එලෙසින් සිදු වුවහොත් මවුබිමට අහිමිව යන්නේ තවත් පදක්කම් රැසක් විය හැක.
2017 යොවුන් පොදු රාජ්‍ය මණ්‌ඩලීය බොක්‌සිං තරගාවලිය සහ 2017 යොවුන් ලෝක ශූරතා බොක්‌සිං තරගාවලිය සඳහා ශ්‍රී ලංකාව නියෝජනය කළ හඟුරන්කෙත පල්ලේබෝවල ද්විතීයික විද්‍යාලයේ එම්. එච්. පී. මධුමාලි එරංගා ප්‍රියදර්ශනී දියණිය මෙවර තායිලන්තයේ පැවැත්වෙන 2018 යොවුන් ආසියානු බොක්‌සිං තරගාවලිය සඳහා සහභාගි වීමේ වාසනාව හිමිකර ගෙන ඇත.

ඒ වාසනාව පසුපසම එක්‌තරා අවාසනාවන්ත තත්ත්වයක්‌ උදාවීමේ පුවතක්‌ ද තිබේ. එරංගා මධුමාලි දියණියටත්, ඇයගේ පුහුණුකරුටත් ඒ සඳහා ගුවන් ටිකට්‌පත් ලබා ගැනීමට මුදල් නොමැති වීම හේතුවෙන් පල්ලේබෝවල මහා විද්‍යාලයේ ආචාර්ය මණ්‌ඩලය සහ සිසු දරු දැරියන් මේ සඳහා මුදල් ලබා ගැනීමට හඟුරන්කෙත අධ්‍යාපන කලාපයේ පාසල්වලත්, මහනුවර නගරයේත් ස්‌ටිකර් අලෙවි කිරීමේත් යෙදී සිටිති.

තායිලන්තයේ පැවැත්වෙන 2018 යොවුන් ආසියානු බොක්‌සිං තරගාවලිය නියෝජනය කිරීම සඳහා මුළු දිවයිනෙන් ම තේරී ඇත්තේ පාසල් ළමුන් සතර දෙනෙක්‌ පමණි. එයිනුත් ඒ සඳහා සහභාගි වන එකම ක්‍රීඩිකාව මධුමාලි එරංගා දියණියයි. අනික්‌ ක්‍රීඩකයන් තිදෙනා කොළඹ රාජකීය, හොරණ විද්‍යාරත්න සහ පිළිමතලාව ධීරානන්ද යන විදුහල් නියෝජනය කරති.

කිලෝග්‍රෑම් 48 බර පංතියෙන් තරග වදින මධුමාලි එරංගා දියණිය මේ දක්‌වා ශ්‍රී ලංකාවේ පැවැති කිසිදු බොක්‌සිං තරගයකින් පරාජය වී නොමැති අපරාජිත ක්‍රීඩිකාවකි.

ඇයට මේ තත්ත්වය උදාකර දීමට ඉමහත් කැපවීමක්‌ කළ ඇයගේ පුහුණුකරු වන ක්‍රීඩා උපදේශක ජමිත ගයාන් බණ්‌ඩාර දැනට උද්ගත වී ඇති තත්ත්වය පිළිබඳව කරුණු පැහැදිලි කළේ මෙලෙසය.

“පල්ලේබෝවල වැනි දුෂ්කර ප්‍රදේශයක පිහිටි පාසලකින් මේ තරම් දක්‍ෂ බොක්‌සිං ක්‍රීඩිකාවක්‌ බිහිකර ගැනීමට හැකිවීම මගේත් මේ ප්‍රදේශයේත් භාග්‍යයක්‌. තායිලන්ත ගමන පිළිබඳ ලංකා ජාතික බොක්‌සිං සංගමය මගින් වෙනත් අයුරින් උපකාර කළත් ඒ සඳහා මූල්‍ය අනුග්‍රහයක්‌ දැක්‌වීමට ඉදිරිපත් වුණේ නැහැ.

මධුමාලි තායිලන්තයට කැඳවාගෙන යැමට නම් අනිවාර්යයෙන්ම ඇය සමඟ ගුරුවරියක්‌ ද යා යුතු වෙනවා. ඇයත් ඇයගේ පුහුණුකරු වන මටත්, ඇය සමඟ යන ගුරුවරියටත් යන තිදෙනාටම ගුවන් ටිකට්‌පත් වලටත්, දින 10 ක්‌ එහි නැවතීම සඳහා රුපියල් 1,76,000 ක්‌ පමණ වැය වෙනවා. දුෂ්කර පාසලක්‌ වන අපට ඒ තරම් මුදලක්‌ සොයා ගැනීම හරිම අසීරුයි. ළමයින්ගේ දෙමාපියනුත් ආර්ථික අතින් එතරම් පොහොසත් අය නෙවෙයි.”

මේ නිසා දින ගණනාවක්‌ වෙහෙස වී කෙසේ හෝ ක්‍රීඩා අමාත්‍ය දයාසිරි ජයසේකර මහතා හමුවී තත්ත්වය පැහැදිලි කිරීමෙන් පසුව එතුමාගේ උපදෙස්‌ පරිදි ක්‍රීඩා අමාත්‍යාංශයෙන් අපිට ගුවන් ටිකට්‌පත් ලබා දුන් බව ස්‌තුති පූර්වකව සිහිපත් කරනවා. නමුත් අප්‍රේල් 19 වැනිදා තරගයට සහභාගි වීමට යා යුතු බැවින් ඒ සඳහා කල් මදි නිසා වීසා ලබා දීමට නොහැකි බව තායිලන්ත තානාපති කාර්යාලය පැවසුවා.

ඊට පසු එහේ මෙහේ දුව පැනලා “තායි ට්‍රැවල්ස්‌ ඒජන්සියකින්’ මේ ගැන විමසන විට ඒ අය කීවේ වීසා ලබාදීමට නම් ඒ අයගෙන් ගුවන් ටිකට්‌පත් නැවත මිලදී ගත යුතු බවයි. ඒ අනුව රජයෙන් ලබාදුන් ගුවන් ටිකට්‌පත් භාර ගත නොහැකි බව කීවා. එක්‌ අයකුට රුපියල් 63,000 ක ටිකට්‌පතක්‌ ගත යුතු බවත් ඔවුන් පැවසුවා. අපිට වෙන කරන්න දේකුත් නැහැ. මධුමාලි මේ තරගය සඳහා අනිවාර්යයෙන් ම සහභාගි කරවිය යුතුයි. එසේ නොවුණහොත් ඒක ඇයට කරන විශාල අසාධාරණයක්‌

ඒ අනුව මගේ ගමන අවලංගු කරලා, ගුරුවරියක්‌ සමඟ මධුමාලි තායිලන්තයට යෑවීමට අපි තීරණය කළා. මේ සඳහා රුපියල් 1,26,000 ක්‌ සොයා ගත යුතුයි. ඒකට මුදල් සොයා ගැනීමට ස්‌ටිකරයක්‌ මුද්‍රණය කරලා මේ දිනවල හැම තැනම අලෙවි කරනවා. මහනුවර නගරයේත් ඒවා අලෙවි කරනවා. කෙසේ හෝ මධුමාලි මේ තරගයට යවලා ඒකෙන් ජය ලබාගෙන ‘2018 යොවුන් ඔලිම්පික්‌ තරගාවලියට’ යැමට සුදුසුකම් ලබා ගැනීමයි අපේ එකම පරමාර්ථය ”

නගරයේ සුපිරි පාසල් වල ක්‍රීඩක ක්‍රීඩිකාවන්ට ඇති පහසුකම්වලින් දහසෙන් එකක්‌වත් නොමැතිව බොක්‌සිං ක්‍රීඩාවෙන් විශිෂ්ට දස්‌කම් දක්‌වන මධුමාලි එරංගා ක්‍රීඩිකාවට 2018 යොවුන් ආසියානු බොක්‌සිං තරගාවලියෙන් ජය ලබා 2018 යොවුන් ඔලිම්පික්‌ තරගාවලියට සහභාගි වීමට සුදුසුකම් ලැබේවා යැයි නෙත් ගොසිප් අප ශ්‍රී ලංකාව වෙනුවෙන් ප්‍රාර්ථනා කරමු. මෙහිදි ඇය වෙනුවෙන් උපරිම කැපකිරීම කරනා ඇයගේ පුහුණුකරු ජමිත ගයාන් බණ්ඩාරටද විශේෂ ස්තූතියක් හිමි විය යුතුය. ඔහු සිය ක්‍රීඩිකාව වෙනුවෙන් සමාජජාලා ඇතුලු මාධ්‍ය වලද හඩ නගා තිබෙන අයුරු දක්නට ලැබි තිබුනි.

 

දැන් කාලේ ගැහැණු කෙහෙල් කොටේ වාගේ පුතා කළයක් උකුලේ තියාගෙන යන්න බැහැ සිරිනන්ද හිමියන්ගේ කතාව

කැකිරාව ගල්කිරියාගම ශ්‍රී සමාධි උපදේශණ මද්‍යස්ථානාධිපති ත්‍රිවිධ හමුදාවේ දේශක පාඨශාලාචාර්ය විචිත්‍ර කාලීන ධර්ම දේශක ගෞරව ශාස්ත්‍රපති කාගම සිරිනන්ද හිමියන් දැන් කාලේ ගැහැනුන් ගැන කීව කතාව

ලංකාවේ තැඹිලි වතුර ලෝකයට යවලා යෝධ සටනක් ජයගත්ත අපේ මිනිහෙක් තැබිලි වතුර ලෝකේ ජනප්‍රියම 10 අතරට ගෙනෙයි

ඔහුගේ ජීවිත කතාව පොතකට නැගුවොත් එහි පරිච්ජේද වැඩි ගණනක් ලියැවෙන්නේ නොපසුබස්නා වීරිය ගැනය.

අතරමැද එකම එක පරිච්ෙඡ්දයක් වාසනාව ගැනද, තවත් එකක් ජයග‍්‍රහණය ගැනද එතනින් අනතුරු කලකිරීම් ගැනද ලියමින් කතාව පෙළගස්වන්නට පුළුවන.

ඒත් අනාගතේ දවසක ඒ ජීවිත කතාව නියතවම නිමවෙන්නේ හීනයක් ලූහුබැඳ ජය ලැබූ මිනිසකුගේ කතාවක් හැටියටය.

මේ කතාව ලියැවෙන්නේ පානදුර අළුබෝමුල්ලේ හරින්ද්‍ර මහකුමාර ගැනය. ඔහු අද දේශදේශාන්තරවලට ලංකාවේ තැඹිලි වතුරේ රස ගුණ බෙදාදෙන ව්‍යාපාරිකයෙකි.

මේ තමාගේ ජීවිතය ගැන කියන්නට හරින්ද්‍ර කතාව ඇරඹූ තැනය.”2012 අවුරුද්දේ ජුනි මාසෙදී පත්තරේක මම අමුතු ප‍්‍රවෘත්තියක් දැක්කා.

ඒකෙ කියැවුණේ දවසකට ලංකාවෙ පොල්වතුර ලීටර් 50000ක් විතර නිකරුණේ අපතේ යනවා කියන විස්තරයක්. මේ ප‍්‍රවෘත්තිය ඇහැගැටුණම මට මේ ගැන හොයන්න උනන්දුවක් ඇති වුණා. මම අන්තර්ජාලයෙන් විස්තර හෙව්වා.

මට හිතුණා මම මේ අපතේ යන පොල් වතුරෙන් ව්‍යාපාරයක් කරන්න ඕන කියලා. ඊළග මාසෙම මම වැඬේ පටන් ගත්තා. මම විදුලි කාර්මික ශිල්පය ටිකක් දන්නවා. අලූත් අලූත් දේවල් අත්හදා බලන්න කොහොමත් ටිකක් දක්ෂයි. මුලින්ම මම කුරුම්බා ගෙඩියක වතුර වාතයට නිරාවරණය නොවී රැුස්කරගන්න සරල යන්ත‍්‍රයක් හැදුවා.

මැෂිම හදනවා දැක්කාම මගේ නෝනා මුලින්ම කිව්වෙ ඔයාට පිස්සුද කියලයි. තැඹිලි – කුරුම්බා වතුර බෝතල් කරලා තියාගෙන බොන්නෙ කවුද කියලා එයා හිනාවුණා. ඒත් මට ඕනෑවුණා මේ තාක්ෂණය හොයාගන්න.

විවිධ අත්හදාබැලීම් කරලා බලනකොට තැඹිලි වතුර නරක් නොවී දවස් 20ක් ශීතකරණයේ දාලා තියන්න පුළුවන් ක‍්‍රමවේදයක් හොයාගන්න මට පුළුවන් වුණා.

මම ඒ නිෂ්පාදනය හෙළ කොකෝ එනර්ජි කියලා ලේබල් කරලා ඒක අරගෙන ලංකාවෙ ගොඩක් හෝටල්වලට ගියා. ඒ හෝටල්වල හුඟක් අය මාව ගිය පයින්ම හරවලා එව්වා. තැඹිලි වතුර බෝතල් කරලා බොනවා කිව්වම එයාලට ඒක පිස්සුවක් වගේ පෙනුණා.

කලාතුරකින් කෙනෙක් මගේ නිෂ්පාදනය විකුණන්න භාරගත්තා. ඒත් ඒ සමහර තැන්වල ඇසුරුම් ක‍්‍රමය වැරදුණාම දවස් දෙක තුනෙන් මගේ නිෂ්පාදනය නරක් වෙලා මට කෝල් ආවා, ඇවිත් බෝතල් ටික ආපහු අරන් යන්න කියලා.”ඒ වෙහෙසකර ආරම්භය ගැන ඔහු වචන ගැළපූ විදියයි. අභියෝගයට අභියෝග කරන්නට ඔහුට මුලින්ම ශක්තිය දෙන චරිතය කතාවට එකතු වෙන්නේ මේ කාලයේදීය.

”මගේ බිරිඳගේ නම ලතීෂා රන්මාලි. මේ වැඬේ මම කොහොම හරි කරනවා කියලා විශ්වාස කරපු පළමුවැනි කෙනාත් එයා. ඒ දවස්වල අපි දෙන්නා එකතුවෙලා දවසකට තැඹිලි ගෙඩි 300ක් විතර හෝදලා වේලලා කපලා තැඹිලි වතුර එකතු කළා. ඒක ලොකු මහන්සියක්. මොකද හැමදේටම අපි දෙන්නා විතරයි.

දවස ඉවරවෙනකොට අත් කකියනවා. හැබැයි එහෙම මහන්සි වෙලා බෝතල් 10ක් විතරක් හදන කාලෙදිත් මගෙ හීනෙ තිබුණෙ කවදා හරි ලොකු තැඹිලි අපනයනකරුවෙක් වෙන්නයි.

ඇත්තටම ඒක ඒ කාලෙ හැටියට ලොකු වැඩි හීනයක් තමයි. හැබැයි මම හීන මැවුවා.තැඹිලි බෝතල් කරද්දී පොඩි අත්වැරදීමක් වුණත් පැහීමට ලක්වෙනවා. තැඹිලි වතුරේ පාටත් රහත් වෙනස් වෙලා රා වෙන එක තමයි අපට ආපු ලොකුම ප‍්‍රශ්නය. මම එක එක විදියේ අත්හදා බැලීම් කර කර ඒ ප‍්‍රශ්නෙට උත්තරේ හෙව්වා.

හැබැයි බෝතල් දහය හදන කාලෙදිත් මම අකුරටම ප‍්‍රමිතිය ගැන හිතුවා. වෙන එකක් තියා තැඹිලි කපනකොට, බෝතල් කරනකොට අපි දෙන්නා එකිනෙකාට කතා කළේවත් නෑ කටේ කෙළ බිඳක්වත් වැටෙයි කියලා. මොකද කවුරුහරි මනුස්සයෙක් සල්ලි දීලා මගේ නිෂ්පාදනය ගන්නවා නම් මම ඒ මනුස්සයාට ගරු කරලා අවංකව නිෂ්පාදන කාර්යය කරන්න ඕන. බිස්නස්වලදී බොරුව කළොත් පැවැත්මක් නෑ.”

ඒ ඔහුගේ දැක්මය. හැදෙන ගහ පෙත්තෙන් දෙපෙත්තෙන් පෙනේ කියන්නාක් සේ ආරම්භයම සරු යහපත් එකක් වූ නිසා සොබාදහම මේ මිනිසාගේ තනි සටනට ශක්තිය සපයා තිබුණා සේය. කවදා හෝ නියතවම තැඹිලි වතුර අපනයනය කරන ලොකු ව්‍යවසායකයෙක් වෙනවාය යන හීනය හැබෑ කරගන්නට මේ කුඩා පර්යේෂකයා දැනුවත් බොහෝ පිරිසකගේ උදවු සොයා ගියේය.

තැඹිලිවතුර බෝතල් කරන තාක්ෂණය හොයාගෙන මම ලංකාවේ පොල් පර්යේෂණායතනයට ගියා. ලංකා කාර්මික තාක්ෂණායතනයටත් ගියා. ඒත් මේ කාගෙන්වත් මට තැඹිලිවතුර බෝතල් කිරීමේ තාක්ෂණය ගැන ඉගෙන ගන්න ලැබුණෙ නෑ. මොකද එයාලත් පර්යේෂණ මට්ටමේ වැඩ කරමින් හිටියේ.

හදලා හරි කියලා හිතලා නිදාගන්න ගියාම පහුවදා ඇහැරලා බලද්දී තැඹිලි වතුර රා වෙලා. නිතර නිතර ඔහොම වුණාම මට මේ ඔක්කොම අල්ලලා විසිකරලා දාන්න අනන්තවත් හිතුණා. ඒත් මගේ බිරිඳ කිව්වා අපි දැන් දිනුම් කනුව ළඟටම ඇවිල්ලා ඉන්නෙ දැන් වැඩ නවත්තන්න එපා කියලා.

මම ඇගේ වචනවල හයියෙන් ආපහු අත්හදාබැලීම් කළා. අන්තිමේ මේ ක‍්‍රමය ගැන හොයමින් අත්හදා බැලීම් කරලම මගේ රුධිර පීඩනය වැඩිවෙලා ඉස්පිරිතාලෙ නවතින්න මට සිද්ධ වුණා. ඉස්පිරිතාලෙ ඇඳේ ඉන්නකොට මට විශේෂ දෙයක් කල්පනා වුණා.

මම ටිකට් කපාගෙන ගෙදර ආපු දවසෙම මම හරියටම මැෂිම හැදුවා. එදා තමයි මේ තාක්ෂණය හරියටම හරි ගියේ. මම මේ තාක්ෂණය හොයා ගත්ත දවස හරියටම 2016 ඔක්තෝබර් මාසෙ 20 වැනිදා.

එදා ඉතිහාසගත දවසක්. තැඹිලි වතුර කල් තබා ගත හැකි පරිදි බෝතල් කිරීමට අවශ්‍ය සියලූම උපකරණ නිෂ්පාදනය කරන්නට හරින්ද්‍ර වැය කර ඇති මුදල ලක්ෂ හය හතකි. කර්මාන්ත ශාලාවේ කාමර තුනක් පුරා සිදුවෙන මේ සැකසුම් ක‍්‍රියාවලිය පුහුණු සේවකයන් හය දෙනෙකුට මේ වන විට රැුකියා සපයා දී ඇත. හරින්ද්‍ර නිසා වක‍්‍ර රැුකියා ලැබූ අය ගණන විසි තිස් ගණනකට වැඩිය.

මේකේ බෝතල් ලේබලයේ ග‍්‍රැෆික් නිර්මාණයේ ඉඳලා අවශ්‍ය සේරම යන්ත්‍රෝපකරණ හදන එක දක්වාම කළේ මගේම නිර්මාණ ශක්තියෙන්. ප‍්‍රාග්ධනය නැතිකම නිසා මමම ඒවා කළා.මම ලංකාවේ පළමුවැනි බෙවරේජ් කෑන් සීලර් එකත් හැදුවා.

මම දන්න තරමින් බීම ටින්වල පියන සීල් කරන්න මැනුවල් උපකරණයකට තියෙන්නෙ මම හදපු එක විතරයි. ලොකු ලොකු කොම්පැණිවල පාවිච්චි කරන පියන් සීල් කරන මැෂින් එක ලක්ෂ 14කට වඩා වැඩියි.

මම ඒ විදියෙම අතින් වැඩකරවන මැෂින් එක හදාගත්තෙ අර ලොකු මැෂිම ගන්න මට සල්ලි නැති නිසයි.සේරම මැෂින් මම හදලා තියෙන්නෙ ඉස්තරම්ම හිතකර අමුද්‍රව්‍යවලින්. මොකද ආහාර නිෂ්පාදන ව්‍යාපාරයක් කරද්දී මිනිස්සුන්ගේ සෞඛ්‍යය ගැන හිතන්නම ඕන.එදා තැඹිලි වතුර ලීටර් 10ක් බෝතල් කරමින් වැරදි වැරදී පටන්ගත් ව්‍යාපාරය අද අතු ඉති ලා වැඩෙමින් තිබෙන එකකි.

දැනට මගේ නිෂ්පාදන ධාරිතාව අනුව දවසකට බෝතල් 1200ක් හදන්න පුළුවන්කම තියෙනවා. ඒ කියන්නෙ මාසෙකට බෝතල් 30000 ට වඩා හදන්න අපට පුළුවන්.තැඹිලි වතුර නිකම්ම බෝතල් කරනවාට අමතරව තව අලූත් සංයෝග එකතු කරලා ස්වභාවික අලූත් පාන වර්ග හදන්නත් මම දැං පටන් අරගෙන තියෙනවා.

කෝමාරිකා සහ තැඹිලි වතුර පානය, ලංකා දොඩම් සහ තැඹිලි වතුර පානය, කුරුඳු සහ තැඹිලි වතුර පානය, වැල් දොඩම් සහ තැඹිලි වතුර පානය වගේම අන්නාසි සහ තැඹිලි වතුර පානය කියන අලූත් බීම වර්ගත් අපි බෝතල් කරලා විකුණනවා.

ලංකාවෙ හෝටල් අලෙවිසල් ගානෙ මගේ නිෂ්පාදන අරන් ඇවිදලා කිසිම හේතුවක් නැතුව ඒවා ප‍්‍රතික්ෂේප වුණාම මට ලොකු කලකිරීමක් ඇති වුණා. අපේ රටේ මිනිස්සු කොහොමත් අපේ කෙනෙකුගේ අලූත් වැඩක් පිළිගන්න කැමති නැහැ. කොහොමත් මගේ හීනෙ තිබුණෙත් පිටරටට තැඹිලි අපනයනය කරන්නනෙ.

ඒ නිසා මම ලංකාවෙ විකුණන එක අත්හැරදාලා අපනයන වැඩ පටන් ගත්තා. මට අපනයන සංවර්ධන මණ්ඩලයේ නිලධාරීන් සෑහෙන්න උදවු කළා. ඒ වගේම ජාතික ව්‍යවසාය සංවර්ධන අධිකාරියත් ලොකු ශක්තියක් වෙනවා. අද මගේ ආයතනය අපනයන සංවර්ධන මණ්ඩලයේ සහ පොල් සංවර්ධන මණ්ඩලයේ අනුමැතිය ලද නිෂ්පාදනායතනයක්. මම දැන රුසියාවට සහ ජර්මනියට තැඹිලි බෝතල් අපනයනය කරනවා.

මේකට මට රස ගුණ පැත්තෙන් තරග කරන්න ලෝකෙ කවුරුවත් නැහැ. මොකද ලෝකෙ රසම හොදම තැඹිලි වැවෙන්නෙ ශ‍්‍රී ලංකාවෙ. ඒකෙනුත් මම ඉන්න කළුතර – පානදුර පැත්තෙ තැඹිලි රසින් ගොඩාක් වැඩියි.

හැබැයි මට ජාත්‍යන්තරය ජයගන්න ලොකු ප‍්‍රශ්න දෙකක් තියෙනවා. එකක් තමයි බටහිර රටවල මිනිස්සු තැඹිලි කියන්නෙ මොනවද ඒක කොච්චර ගුණද කියලා දන්නෙ නැතිකම. මට තැඹිලි ගැන එයාලට මුල ඉදලා විස්තර

අනික් බාධාව තමයි තායිලන්තයෙන් සහ වියට්නාමයෙන් පොල් හා කුරුම්බා වතුර මහ විශාල වශයෙන් නිෂ්පාදනය කිරීම. මහා පරිමාණයෙන් කරද්දී එයාලගෙ මිලත් අඩු මට්ටමක තියෙන නිසා මට මිල කිරීමෙදිත් ගැටලූ තියෙනවා. හැබැයි මේ එකක් නිසාවත් මම වැටෙන්නෙ නැහැ. හෙළ කොකෝ එනර්ජි කියන නම මම අදට වඩා හෙට ලෝකෙට ගෙනියනවා. අපේ පානය නිසා ලංකාව කියන රට ගැන ලෝකය කතාවෙනවා දකින්න මට ඕන.

කුඩා තනි මිනිහෙකුගේ ශක්තියත් ඔහු හීන දකින හීනවල විශාලත්වයත් වෙනුවෙන් හිස නමා ආචාර කරන්නට කාලය එළඹ තිබේ. හීන හැබෑ කරගන්නට හැකි පමණින් කාගේත් උදවු වුවමනාය. ඇතැම් විට ඒ උදවු හදවතින් පිරිනමන ආශීර්වාදයක් විතරක්ම වෙන්නට පුළුවන.”

හෙළ කොකෝ එනර්ජි කියලා ශ‍්‍රී ලංකාවෙන් අපනයනය කරන ස්වභාවික ගුණදායක පානය තව අවුරුදු පහක් ඇතුළත ලෝකයේ හොඳම පාන වර්ග 05 අතරෙ තියෙන්න ඕන. මම ඒ හීනය හැබෑ කරගන්න දවල් ? නැතුව වැඩ කරනවා.”ජවයෙන් පිරුණු ඒ වචනවලට ආශීර්වාද නොකර ඉන්නට හැකි හදවතක් මේ මිහිපිට කාට හෝ තිබිය හැකිද?

කළු ගඟේ දියේ ගිලි මිය ගිය 28 හැවිරිදි තරුණිය භූමදානය කර දින 25ට පසු නැවතත් හැමකෙනෙක්ම හොල්මන් කරමින් නිවසට පැමිණි හැටි මෙන්න

මේ ලෝකේ විස්වාස කරන්නට පුළුවන් දේවල් ඕනෑතරම් තිබෙනවා,නමුත් විස්වාස නොකරත් බැරි අපුරු සිදුවීමක් අපට මේ ලංකාව ඇතුලෙන් වාර්තා වුනා.ඒ නාගොඩ ප්‍රදේශයට ආසන්න ප්‍රදේශයකින්.කළු ගඟේ පාවෙමින් තිබු මල සිරුරක් ඥයාතින් විසින් රැගෙන ගොස් භුම දානය කල පසු නැවතත් පන පිටින් එම තරුණිය නිවසට පැමිණ තිබෙනවා කිව්වොත් ඔබ විස්වාස කරනවද.නමුත් මෙන්න බලන්නකෝ එලෙස ඒ තරුණිය ආපු හැටි.සහ පැමිණි දිනය සහ එම තරුණියගේ වයස පිළිබඳව සියල්ල දැනගන්න පහත වීඩියෝව තුලින්

හොදම අය අයින්වෙද්දී සිරස ටීවී නාළිකා ප්‍රධානී චන්දන සූරියබණ්ඩාරත් සිරසෙන් ඉවත් කරයි සිදුවූ දේ මෙන්න

සිරස ටීවී හා එම්ටීවී නාලිකා ප්‍රධානියා ලෙස මෙතෙක් කටයුතු කර චන්දන සුරියබණ්ඩාර මහතා එම තනතුරෙන් ඉවත් කර මහරාජා සමූහ ව්‍යාපාරයේ ‘ස්ටේන් ස්ටුඩියෝ’ වෙත අනුයුක්ත කර ඇත රූපවාහිනී නාලිකාවන්හි නව නාලිකා ප‍්‍රධානී හා පූර්ණ මාධ්‍ය ජාලයේම ප‍්‍රධානියා ලෙස පත් කර ඇත්තේ සුසාර දිනාල් මහතාය ඉන්දියානුවකු නොවන්නෙකු එම තනතුරට පත් වූ මුල්ම අවස්ථාවද මෙයයි.

චන්දන සුරියබණ්ඩාර මහතා නාලිකා ප‍්‍රධානී වන්නට පළමු ශ්‍රේණිගත කිරීම්වල ඉදිරියෙන්ම සිටි සිරස නාලිකාව විශාල ආදායමක්ද උපයමින් සිටි අතර සුරිය බණ්ඩාර මහතාගේ පාලන කාලය තුල ශ්‍රේණිගත කිරීම්වල පහලටම වැටී ආදායම්ද විශාල ලෙස අඩු වී තිබූ බව ආයතනයේ අභ්‍යන්තර ආරංචි කියයි.

සුරියබණ්ඩාර මහතා සමග රාජකාරි කල නොහැකි වීම නිසා කලකිරීමෙන් නාලිකාවේ සිටි දක්ෂ මාධ්‍ය වේදීන් රැසක් එම කාලයේදී ආයතය හැර ගොස් තිබේ කිංස්ලි රත්නායක තනුජා ජයවර්ධන නාරද බක්මීවැව සම්පත් ශ්‍රී ජයසිංහ ඇතුළු පිරිස ඉන් සමහරකි සුසාර දිනාල් මහතා මාද්‍ය විෂය සම්බන්ධයෙන් දක්‍ෂයෙකු ලෙස සැලකෙන අතර සිරස නාලිකාව ඔහු යටතේ ඉදිරියට යනු ඇති බව ආයතනයේ සෙසු නිලධාරී පිරිසේ අදහසයි.

කැලයේ අතුරුදන්වූ දැරිය ලග හිද රැයක් පුරා එක ඇසකුත් නොපෙනෙන සුනඛයා කල දේ මුළු ඔස්ටෙලියාවම විශ්මයට පත්කරයි

නිවසක ඇතිකරන සුනඛයින් හා නිවැසියන් අතර පවතින්නේ හරි අපූරු සබැඳියාවක්. ඒ සඳහා ඕනෑ තරම් උදාහරණ අප සමාජය තුළ තිබෙනවා. එවැනි තවත් උදාහරණයක් අපට වාර්තා වන්නේ ඕස්ට්‍රේලියාවේ කුවීන්ස්ලන්ත ප්‍රාන්තයෙන්. ඒ කැලයක අතරමංව සිටි අවුරුදු 03 ක් වයසැති දැරියක් සොයා ගැනීම සඳහා අවුරුදු 17 ක සුනඛයෙක් උපකාර කළ පිළිබඳවයි.

මෙම සුනඛයා නිවසේ ඇතිකරනු ලබන්නේ ගවයින් බලා ගැනීම සඳහායි. නිවසින් පිටවූ මේ සුනඛයා සහ දැරිය කැලයක් තුලට ගොස් තිබෙනවා .

කෙසේ හෝ කැලය තුළ මෙම දැරිය අතරමංව තිබෙනවා. බොහෝ වේලාවක් ආපසු නිවසට නොආ නිසා දැරියගේ නිවැසියන්, පොලිස් නිලධාරින් සහ ස්වේච්ජා සේවකයින් 200 ක් පමණ දැරිය සොයා මෙහෙයුම් ආරම්භ කර තිබෙනවා.

දැරියගේ නිවැසියන්ට කැලැබඳ කදු ප්‍රදේශයක සිටියදී පුර පැය 16 කට අධික කාලයකට පසුව දැරිය සොයා ගැනීමට හැකිවී ඇති අතර එම අවස්ථාව වන විටත් සුනඛයා ඇයව ආරක්ෂා කරමින් සිටින අයුරු දැක තිබෙනවා.

නිවැසියන් සඳහන් කරන්නේ වනයේ අතරමන් වූ මෙම දැරියගේ ආරක්ෂාවට රාත්‍රිය පුරාවට ඇයත් සමඟ මෙම සුනඛයා සිට ඇති බවයි.

දැරියගේ මිත්තනිය ඕස්ට්‍රේලියානු ගුවන් විදුලි සේවයට ප්‍රකාශ කර ඇත්තේ, අතුරුදහන් දැරිය සොයා සිය නිවසේ සිට කිලෝමීටර් 2ක් අතින් ඇති කන්දක් මුදුනට ගොස් දැරියගේ නම කියා හඩ ගැසූ අවස්ථාවේදී ඇය අසලට දිව ආ මැක්ස් නැමති මෙම සුනඛයා ඇයව දැරිය සිටි ගල්පර්වතය අසලට රැගෙන ගිය බවයි.

පොලිසිය පවසන්නේ මෙම සුනඛයා අර්ධ අන්ධබාවයකින් පෙලෙන මහළු වියේ පසුවන සතෙක් වුවද  මැක්ස් නැමති මෙම සුනඛයා රාත්‍රිය පුරාවට දැරිය ආරක්ෂා කිරීම පැසසුම් ලැබිය යුතු කරුණක් ලෙසයි.

විදෙස් මාධ්‍යය වාර්තා කරන්නේ, අතුරුදහන්ව සිට සොයා ගත් දැරිය මේවන විට යහපත් සෞඛ්‍ය තත්ත්වයෙන් පසුවන බවයි.